Калькулятор расчета пеноблоков смотрите на этом ресурсе
Все о каркасном доме можно найти здесь http://stroidom-shop.ru
Как снять комнату в коммунальной квартире смотрите тут comintour.net Самое современное лечение грыж

Сахалыы остуол ооньууларын сөргүтүө5үн.

PHOTO 2021 04 01 14 19 461

Саас кэлбитэ үчүгэйиэн, киһи эрэ үөрүөх-көтүөх курдук сылаас күннэр эргийдилэр. Ону тэҥэ быйылгы выпускниктар, практикаларын чэрчитинэн олус солун тэрээһиннэри ыытан, барыбытын сэргэхситтилэр. Бэһис куурус устудьуоннара (сал. Гаврильева Л.Н., Никифорова С.М.) мас ууһа Кэскил Прудецкай оҥорбут сахалыы остуол оонньууларыгар үөрэнээччилэргэ, устудьуоннарга, үлэһиттэргэ икки күн устата күрэхтэһии тэрийдилэр.


Кыттааччылар «Биэс ойбон», «Тыксаан», «Өлүөнэ остуолбалара», «Хаамыска», «Хабылык», «Эрийии» курдук киһи өйүн-санаатын сааһылыыр, моторикатын сайыннарар оонньуулары олус сөбүлээтилэр. Бу оонньуулар киһи болҕомтотун, тулуурун, дьаныарын сайыннарар уратылаахтар. Бастакы күн Авелов Саша, Иванов Миша,
Никифоров Айсен, Осипова Тоня, Спиридонов Вася кыайа-хото ыытан, күрэх кыттааччыларын биһирэбиллэрин ыллылар. Үөрэнээччилэр, устудьуоннар, үлэһиттэр «Дьулуур», «Бэргэн», «Муус устар» диэн хамаандаларга арахсан, олус тыҥааһыннаах күрэхтэһии буолла. Алта көрүҥ түмүгүнэн «Дьулуур» хамаанда эрэллээхтик бастаата. Оҕолорбут түргэнник хамсанар, сымса буолан «Биэс ойбон», «Тыксаан», «Өлүөнэ остуолбалара» оонньууларга лаппа үчүгэй бириэмэни көрдөрдүлэр. Богатенков Валериан хабылыкка, Фокинов Алексей хаамыскаҕа тэҥнээхтэрин булбатылар.

Иккис күн Григорьев Дима, Гурьев Саша, Ксенофонтов Айаан, Макаров Ньургун, Михайлов Алеша, Рассадина Марина, аны үлэһиттэргэ сахалыы остуол оонньууларын быыстала суох өрө күүрүүлээхтик тэрийэн, кыттааччылар махталларын ыллылар. «Таммахтар», «Дружба», «ШИП-ШИП» хамаандалар олус эрийсиилээх
киирсиилэрин кэнниттэн, 1 баалынан чорбойон, «Дружба» хамаандата бастакы миэстэни ылан үөрдэ. Училище үлэһиттэрэ ордук өбүгэ саҕаттан оонньонор хабылыкка, хаамыскаҕа сатабылларын көрдөрдүлэр.

Саамай хаһыылаах-ыһыылаах «Эрийии» күрэҕэ буолла. Өбүгэлэрбит оонньуулара билигин да киһини умсугутар, сааһыттан тутулуга суох иллэҥ кэмҥэ умнубакка оонньоон, сүһүөххүн эрчийиэххэ, сайыннарыахха сөбүн кыттааччылар бэлиэтээтилэр. Дириэктэри үөрэх чааһыгар солбуйааччы Нина Степановна Дьячковская «Бастыҥ тэрийээччи» номинация кыайыылаахтарыгар Иванов Мишаҕа, Ксенофонтов Айааҥҥа анал бириистэри туттарда. Тарбах гимнастиката, илии уонна өй бииргэ үлэлиир ситимнэрин, сымса буолуу, холкутук толкуйдааһын, өйгө ойуулаан көрүү курдук үөрүйэхтэри сайыннарар Өбүгэ саҕаттан оонньонон кэлбит сахалыы остуол оонньуута оҕо-ыччат, улахан дьон интэриэһин тарда турдун, инникитин кэскиллээх буоллун!

PHOTO 2021 03 31 19 34 47

PHOTO 2021 03 31 19 34 40

PHOTO 2021 03 31 19 34 44

PHOTO 2021 04 01 14 19 46

PHOTO 2021 04 01 14 20 16

PHOTO 2021 04 01 13 22 29